VV e quan mashtrim mosrishikimin e marrëveshjes së Demarkacionit nga qeveria Haradinaj
Në një vjetorin e ratifikimit të Demarkacionit me Malin e Zi, shefi i grupit Parlamentar i Lëvizjes Vetëvendosje (VV), Glauk Konjufca, tha se ende nuk ka ndodhur rishikimi i marrëveshjes së bërë ndaj presidentit të Kosovës dhe të atij të Malit të Zi, si dhe nuk është përmbushur kushti për liberalizimin e vizave.
“Haradinaj po e argumenton se është mashtruar nga Thaçi me letrën e nënshkruar ndërmjet presidentit Thaçi dhe të atij të Malit të Zi. Janë bërë një vit që kur është bërë kjo marrëveshje dhe nuk është bërë vlerësimi i gabimeve nga Murat Meha. Kjo çështje bëhet edhe më problematike, me presionin ndaj deputetëve, ka qenë që Kosova po e merr liberalizimin e vizave. Kjo ishte edhe arsyeja që nuk kishte protesta edhe nga ana e qytetarëve të Kosovës”, tha Konjufca.
Sipas tij pikërisht për këtë mos rishikim të marrëveshjes kryeministri Haradinaj duhet të jap përgjegjësi publike.
“Nëse je Kryeministër që të mashtron gjithkush, për besë duhet të japësh dorëheqje”, u shpreh deputeti Konjufca.
Edhe deputetja nga kjo parti, Arbërie Nagavci theksoi se sot janë bëtë një vit pas mashtrimit të madh që i ndodhi qytetarëve për liberalizmin e vizave me miratimin e ligjit për demarkacionin me Malin e Zi.
“Me votimin e demarkacionit Haradinaj fitoi pozitën e kryeministrit dhe legjitimoi pozitën e presidentit Hashim Thaçi. Thaçi kishte thënë se me mos miratimin e demarkacionit me Malin e Zi nuk po arrihet liberalizimi i vizave dhe po izolohen qytetarët e Kosovës, por sot një vit ka ndodhur demarkacioni dhe janë mashtruar qytetarët e Kosovës”, tha Nagavci.
Ajo tha se qeveria Haradinaj nuk u mjaftua me humbjen e 8 mijë hektarëve tok, prandaj sipas saj ata ia ka mësyrë ndërmarrjeve publike për të punësuar familjarët dhe militantët e partive të tyre.
