Vlorë, nipi dyshohet për vrasjen e gjyshit për t’ia marrë 1 milion lekë

Një krim i rëndë ka ndodhur mbrëmë në Vlorë, ku nipi dyshohet se ka vrarë gjyshin e tij.

Ngjarja fillimisht u raportua nga vetë nipi si një grabitje me dhunë, por nga verifikimet rezultoi se i moshuari me iniciale V.K, 69 vjeç, që dyshohet se u vra nga nipi.

Mësohet se ka qenë vetë nipi i cili i ka vjedhur 1 milion lekë gjyshit të tij, raporton oranews.

Raportohet se pasi e ka qëlluar me armë zjarri në kokë, nipi e ka çuar në spital gjyshin, duke deklaruar se e kanë grabitur.

69-vjeçari jetonte i vetëm në lagjen “Rilindja” në Vlorë. Policia po punon për zbardhjen e rrethanave të ngjarjes.