Video ekskluzive: Bastisen lokalet e Gjakovës
01.5.2018 - 15:22
Në Rubrikën Policia të “Drejtësisë në Kosovë” u shfaq aksioni i bastisjes së disa lokaleve në Gjakovë.
Në fillim policët që do të merrnin pjesë në aksion u njoftuan se do të kontrollohen dy lokale në Çarshinë e Vjetër të Gjakovës 30 minuta pas mesnatës.
Drejtuesit e operacionit i paralajmëruan policët se ka dyshime që aty mund të gjendet drogë.
Policët u porositën gjithashtu që ta kryejnë punën në mënyrë profesionale, pasi në lokalet që do të bastisen mund të ketë persona nën ndikimin e alkoolit dhe narkotikëve.
Pas bastisjeve në dy lokalet, policia arrestoi tre persona, gjeti drogë që dyshohet të jetë e llojeve kokainë dhe marijuanë dhe pesë thika.