(VIDEO) Autoblinda rrëzon kamionin në Zubin Potok
Barrikada të ndryshme u vendosën sot në Zubin Potok për ta ndalur aksionin e Policisë së Kosovës
Dy kamionë të mëdhenj ishin ndalur në mes të rrugës për t’iu bërë pengesë policisë që u nis për të arrestuar dhjetëra persona, përfshirë policë e qytetarë nën dyshimet për kontrabandë atje.
KALLXO.com ka siguruar videon ku shihet mundi për të larguar barrikadën.
Një autoblindë e policisë godet këtë kamion për ta larguar nga rruga.
Policia e Kosovës në një aksion i cili ka filluar mëngjesin e sotëm në veri të Kosovës, ka arrestuar disa persona nën dyshimin për krim të organizuar dhe kontrabandë.
KALLXO.com mëson se cak i këtij aksioni janë rrjetet e kontrabandës së mallrave nga Serbia për në Kosovë.
Gjatë aksionit, deri më tani mësohet se 2 pjesëtarë të PK-së janë plagosur ndërsa tre të tjerë kanë pësuar lëndime.
Gjatë aksionit janë arrestuar disa zyrtarë policorë të dyshuar për përfshirje në veprime ilegale.
https://kallxo.com/fotogaleri-aksioni-i-policise-se-kosoves-ne-zubin-potok/