VIDEO - 10 gra të kthyera nga Siria dalin para Gjykatës

10 gra të kthyera në fund të javës së kaluar nga Siria, janë dërguar në Gjykatën e Prishtinës për t’u marrë në pyetje rreth aktivitetit të tyre gjatë qëndrimit në zonën e konfliktit.

Ato kanë hyrë në ndërtesën e gjykatës nën përcjelljen e Policisë.

Ndërsa grupi i dytë i grave të kthyera pritet të dalë para gjykatës gjatë ditës së nesërme.

Pas kthimit të tyre nga Siria, Prokuroria ka thënë se do t’i marrë në pyetje 32 gratë e kthyera nga Siria.

KALLXO.com ka xhiruar momentin kur një pjesë e këtyre grave kanë zbritur nga automjeti i Policisë për të hyrë në ndërtesën e gjykatës.

(Raporti është edituar te numri i të dyshuarave)