Vdes një person në rrethana të dyshimta në Prishtinë
03.12.2018 - 11:04
Një burrë është gjetur gjatë ditës së djeshme pa shenja jete në Prishtinë.
Policia ka sqaruar se burri është gjetur në banesën e tij, ndërsa nuk ka dhënë detaje se cilat janë dyshimet e para.
Vdekjen e viktimës në vendin e ngjarjes e ka konstatuar edhe mjeku kujdestar.
“Rastit i janë përgjigjur njësitet relevante policore”, është thënë në raportin e Policisë së Kosovës.
Lidhur me rastin bëhet e ditur, se me vendimin e prokurorit, trupi i pajetë i viktimës është dërguar për obduksion në Institutin e Mjekësisë Ligjore.