Vdes një fëmijë në fshatin Peqan të Suharekës
16.2.2019 - 12:35
Një fëmijë ka vdekur dje në fshatin Peqan të Suharekës.
Policia në raportin 24 orësh ka njoftuar se Qendra Kryesore e Mjekësisë Familjare në Suharekë, ka njoftuar për vdekjen e fëmijës.
Sipas njoftimit, trupi i viktimës është dërguar në Spitalin Rajonal në Prizren dhe me urdhër të prokurorit, trupi i fëmijës është dërguar në Institutin e Mjekësisë Ligjore për obduksion.
Policia nuk ka dhënë detaje të tjera rreth rastit i cili po cilësohet si vdekje e dyshimtë.
