Vdekja e Hilmi Haradinajt, Pacolli ngushëllon tërë Kosovën
17.6.2018 - 09:35
Zëvendëskryeministri i Kosovës, Behgjet Pacolli, ka reaguar pas lajmit për vdekjen e Hilmi Haradinajt, babait të kryeministrit Ramush Haradinaj.
Pacolli në një postim në profilin e tij në “Facebook” tha se Hilmi Haradinaj dha gjithçka për Kosovën.
Ai i ka shprehur ngushëllime familjes Haradinaj dhe tërë Kosovës.
Ky është postimi i tij i plotë:
“Baca Hilmi dha gjithçka për Kosovën. Ai sot nuk është në mesin tonë, fizikisht, por kujtimi i tij do të jetë i paharruar. Ngushëllimet e mia më të thella familjes Haradinaj, Gllogjanit dhe tërë Kosovës!”