Uji Depërton te ‘Banesat e Bardha’

Uji ka depërtuar në njërën nga “Banesat e Bardha” të Kodrës së Diellit në Prishtinë, pas reshjeve të shiut.

Një qytetar i ka dërguar në KALLXO.com disa fotografi të objektit numër pesë të këtyre banesave.

Nga fotografitë shihet se uji ka depërtuar në hyrjen e kësaj banese, ndërsa edhe jashtë këtij objekti gjendja nuk është më e mirë pasi ka sasi shumë të madhe të ujit në rrugë.

KALLXO.com shkroi vazhdimisht për vërshimet që këtë javë në pjesë të ndryshme të Kosovës ndodhën pas reshjeve intensive.

http://kallxo.com/pese-fshatra-te-malisheves-te-bllokuar-nga-uji/