Foto-ilustrim
Tri raste të dhunës ndaj grave në 24 orët e fundit
Vetëm gjatë 24 orëve të fundit janë raportuar tri raste të dhunës ndaj grave.
Policia në raportin ditor ka njoftuar se dje rreth orës 8 në Malishevë policia ka arrestuar një person të dyshuar, pasi i njejti kishte sulmuar fizikisht bashkëshorten e tij.
Si pasojë e sulmit, viktima ka pësuar lëndime trupore dhe ka pranuar tretman mjekësor.
Një rast tjetër është raportuar në rajonin e Obiliqit, ku një person ka sulmuar fizikisht bashkëshorten e tij e cila ka pranuar tretman mjekësor.
Policia ka raportuar edhe për një rast të dhunës në familje i cili ka ndodhur dje rreth orës 15 në Gjakovë.
Një person i dyshuar ka sulmuar fizikisht bashkëshorten dhe vajzën e tij. Dy viktimat kanë pësuar lëndime trupore dhe kanë pranuar tretman mjekësor.
Në të tri rastet, tre personat e dyshuar me vendim të prokurorit janë dërguar në mbajtje.