Thaçi pranon letrat kredenciale nga ambasadori i ri i Turqisë

Presidenti i vendit, Hashim Thaçi, sot ka pranuar letrat kredenciale nga ambasadori i ri i Turqisë në Kosovë, Çağrı Sakar.

Thaçi i ka uruar mirëseardhje ambasadorit Sakar dhe i ka ofruar mbështetje të plotë në punën e tij për vazhdimin e thellimit të bashkëpunimit ndërmjet dy shteteve tona.

“Do të vazhdojmë të kultivojmë marrëdhënie strategjike me Turqinë. Ju falënderoj për mbështetjen që i keni dhënë Kosovës në tri dekadat e fundit”, ka thënë presidenti Thaçi.

Në anën tjetër, ambasadori i ri i Turqisë në Kosovë, Çağrı Sakar, e ka falënderuar presidentin Thaçi dhe ka theksuar se Turqia edhe më tutje do të mbështesë Kosovën në të gjitha fushat.

Ndërsa, Thaçi ka theksuar se Turqia është një aleat i fuqishëm i Kosovës.

Ndryshe, muaj më parë ish-ambasadorja turke, Kivilcim Kiliç para se të largohej nga posti ishte përfshirë në një aksident në fshatin Mramor, ku kishte pësuar disa lëndime.

Në këtë aksident kishin vdekur 4 persona.

https://kallxo.com/ambasadorja-turke-falenderon-qkuk-per-trajtimin-e-saj/

https://kallxo.com/doktori-tregon-gjendjen-e-ambasadores-se-turqise-pas-aksidentit/

https://kallxo.com/eskorta-e-ambasadores-turke-e-perfshire-ne-aksidentin-me-fatalitet-ne-mramor/