Thaçi: Ose President Ose Mbeteni Pa Mua në Skenën Politike

Presidenti Thaçi gjatë bashkëbisedimit me gazetarë është pyetur rreth mundësisë së rikthimit të tij në ndonjë parti politike.

Ai ka deklaruar se nuk do të kthehet në proceset që tashmë i ka kaluar.

“Për mua është më se e qartë që angazhimi im politik në jetën institucionale nuk do te ketë rikthim në procese që i kam kaluar, as në udhëheqjen e partisë apo në përbërje të parlamentit e as në ndonjë pozicion të qeverive të ardhshme të Kosovës”, tha Presidenti që kishte udhëhequr për mbi 15 vjet Partinë Demokratike të Kosovës e që kishte qenë për dy mandate kryeministër i vendit.

Sipas tij, e vetmja rrugë e angazhimit politik, është në presidencë.

“E vetmja rrugë e angazhimit tim politik është këtu ku jam, në Presidencë, apo edhe mundësia e garës që presidenti të zgjidhet drejtpërdrejt nga qytetarët, nëse jo atëherë mbeteni pa mua në skenën politike”, tha në mes tjerash Presidenti Thaçi.

KALLXO.com e ka transmetuar LIVE këtë bashkëbisedim të presidentit me gazetarët.