Hashim Thaçi | Foto: KALLXO.com
Thaçi i Gëzohet Hapjes së Negociatave të Shqipërisë e Maqedonisë me BE-në
17.4.2018 - 20:38
Presidenti i Kosovës Hashim Thaçi i gëzohet propozimit të Komisionit Europian për hapjen e negociatave me Shqipërinë për anëtarësim në Bashkimin Europian.
Për këtë të arritur ai i përgëzoi qytetarët e Shqipërisë, presidentin Ilir Meta dhe kryeministrin Edi Rama, për reformat dhe qeverisjen e tyre.
“Zgjerimi i Bashkimit Evropian dhe integrimi i tërë Ballkanit Perëndimor në familjen evropiane janë rruga e duhur për të rritur stabilitetin dhe sigurinë në Ballkan”, tha presidenti Thaçi.
Ai gjithashtu ka përgëzuar propozimin e Komisionit Europian për hapjen e negociatave me Maqedoninë.
“Ky vendim i tyre e forcon perspektivën evropiane për tërë rajonin tonë”, theksoi Thaçi në një postim në profilin e tij në “Facebook”.