Foto: ZPRK
Thaçi: EULEX mbetet i rëndësishëm për Kosovën
23.7.2019 - 21:00
Presidenti i Kosovës, Hashim Thaçi, ka pritur sot U.D. shefin e EULEX-it, Bernd Thran, me të cilin bisedoi për vazhdimin e bashkëpunimit në mes të institucioneve vendore dhe misionit europian.
Thaçi u shpreh se EULEX mbetet i rëndësishëm për Kosovën dhe se ka sjellë përvojë të mirë për institucionet e Kosovës.
“Kemi bashkëpunim të mirë me EULEX-in. Institucionet e Kosovës kanë përfituar nga përvoja me EULEX-in”, u shpreh Thaçi.
Bernd Thran theksoi se EULEX do të vazhdojë bashkëpunimin me institucionet e Kosovës, në përputhje me mandatin.
Ndërsa Thaçi përfundoi se EULEX është mision i suksesshëm dhe Kosova do të vazhdojë bashkëpunimin me të.