Foto: Ilustrim
Tërhiqet një kuti municioni nga depoja e RTK-së
05.6.2018 - 20:46
Një kuti me municion të kohërave të vjetra është tërhequr sot nga depoja e televizionit publik.
Zëdhënësi i Policisë, Bajram Krasniqi, tha se kutia ishte me municion shkollor.
Ajo është tërhequr gjatë ditës së sotme dhe nuk ka qenë e rrezikshme.
“Po, rasti ka ndodhur gjatë ditës së sotme. Është tërhequr një kuti municioni, jo i rrezikshëm, është i kohërave të vjetra. Është gjetur në depon, pjesërisht e shfrytëzueshme në rrugën ‘Ilaz Agushi’ në Prishtinë. Policia e ka tërhequr atë nga aty”, tha Krasniqi.
Ai shtoi se kutia është vërejtur nga një punëtor i RTK-së dhe se ky i fundit ka lajmëruar Policinë e Kosovës për të bërë tërheqjen e saj.