Telefonave të kompanisë Apple u bjen pazari

Shitjet e telefonave të kompanisë Apple, Iphone, kanë rënë në shkallën më të ulët ndonjëherë, bazuar në të dhënat e tre muajve të parë të këtij viti.

Kjo kompani ka thënë se të hyrat nga shitja e telefonave kanë rënë për 17 për qind, në krahasim me periudhën e njëjtë të një viti më parë.

Megjithatë, shefi ekzekutiv i kompanisë Apple, Tim Cook ka thënë se shitjet janë rritur në fund të muajit mars, duke përfshirë Kinën, vend në të cilin kompania ka ulur çmimet e produkteve për të rritur kërkesën.

Apple ka paralajmëruar se ulja e numrit të shitjeve të telefonave të saj, sidomos në Kinë, ka qenë për shkak të konkurrentëve të saj më të lirë siç janë Huawei dhe Xiaomi.

Në tre muajt e parë është thënë se vlera totale e fitimit ka arritur në 58 miliardë dollarë në krahasim me parashikimet e analistëve për 57.3 miliardë dollarë.

Pavarësisht shitjeve më të pakta të telefonave, Cook ka thënë se në vazhdimësi është rritur kërkesa për produkte tjera të kësaj kompanie siç janë orët e mençura.