Sulmuesi në Las Vegas Theu Dy Dritare për Pamje më të Mirë

Hetimi i motiveve të sulmit nga Stephen Paddock, një kontabilist 64-vjeçar në Mandalay Bay në Las Vegas, i cili vrau të paktën 58 veta fundjavën e kaluar dhe plagosi rreth 500, po zbulojnë elemente të reja.

Sipas lajmeve të fundit, sulmuesi nuk e drejtoi armën vetëm nga 22 mijë pjesëmarrësit e festivalit. Në një moment, zjarri u drejtua në një drejtim krejtësisht të ndryshëm, në një vend të dyfishtë.

Ai po qëllonte drejt një rezervuari me kerozinë. Burimet e cituara deklarojnë se ai ka qëlluar në rezervuaret e mëdha të kerozinës që ndodheshin më shumë se 600 metra larg hotelit, në afërsi të hangarëve ku gjenden aeroplanët privatë.

Rezervuarët kanë vrima të plumbave, ndërsa në ditët e shkuara, punëtorët kanë rimëkëmbur dëmtimin e tyre dhe agjentët e FBI-së kanë dalë në terren për të hetuar.

Stephen Paddock besohet se e dinte atë që po synonte dhe se ai kishte thyer dy dritare në apartament: nëpërmjet tyre ai kishte një shikim të drejtpërdrejtë te njerëzit në festival dhe përmes tjetrit në rezervuarët e kerozinës në aeroport.

Megjithatë, eksperti i aviacionit Mike Boyd paralajmëron se kerozina nuk është lehtësisht e ndezshme dhe se pozitivja e vetme në këtë tragjedi është që kishte kerozinë në rezervuare dhe jo ndonjë derivat tjetër të naftës.

Masakra e kryer nga Paddock është masakra më vdekjeprurëse në historinë amerikane.

Sherifi Joseph Lombardo zbuloi të mërkurën se sulmuesi, së bashku me dhjetëra armë që kishte në apartament dhe dy vende të tjera, kishte 22 kg eksplozivë në makinën e tij në hotel.

“Ai u përgatit me kujdes dhe kishte ndihmë. Ishte përgatitur me shumë kujdes për sulmin më të keq në historinë amerikane”, tha Lombardo, duke shtuar se Paddock jetonte një “jetë sekrete”.

Sherifi është i bindur se dikush duhet të ketë ndihmuar në përgatitjen e sulmit. “Është e mundur që ai të jetë një superhero, por unë disi nuk besoj në atë”, – shpjegoi ai, duke theksuar se hetuesit mendojnë se Peddock ka planifikuar të largohet nga situata, por ai nuk dha detaje se si ai mendonte se do të ndodhte.

Siç dihet, forcat speciale e gjetën të vdekur në hotel dhe besohet të ketë kryer vetëvrasje.

Sherifi gjithashtu konfirmoi se Paddock kishte marrë me qira një apartament në Hotel Ogden për një javë përpara masakrës, nga e cila kishte një pamje të qartë të vizitorëve të festivalit të dytë të muzikës, ku kanë marrë pjesë këngëtarja e Zelandës së Re Lorde, grupi rock “Muse” të tjerët.

“A u përgatit atëherë? Atë ende nuk e dimë”, tha Lombardo.