Sot shfaqet repriza e baletit ‘Andërr’
15.2.2019 - 10:12
Baleti Kombëtar i Kosovës do të shfaqë sot në mbrëmje duke filluar nga ora 20:00 reprizën e shfaqjes, “Andërr” me libreto dhe koreografi të Kreshnik Musollit, balerin në trupën artistike të BKK-së.
“Andërr” është dhënë premierë dje në mbrëmje në skenën e TKK-së.
Shfaqja “Andërr” është një kombinim stilesh vallëzimi dhe ndërtohet mbi përditshmërinë kur në thelb të trajtimin ka kohën, e cila humbet e nuk mund të kthehet më.
Përveç kësaj edhe lakmia, xhelozia, janë thelbi i trajtimit të këtij baleti.
Ngjarja në shfaqje ndodh në një lagje, ku dëgjohet muzika Hip-Hop, brenda një komuniteti që jeton në lumturi e harmoni me shumë nevoja, por që ëndrrat nuk ua zbeh asnjëherë synimin.