Skandal: Vetura e policisë vozitet me gomë të prishur
Një veturë e policisë është xhiruar duke qarkulluar në një rrugë magjistrale me goma në gjendje jo të mirë.
Në videon e dërguar në redaksinë e KALLXO.com nga një qytetar, shihet vetura e policisë, gomat e të cilës nuk janë në gjendjen e duhur për vozitje.
Sipas qytetarit, video është xhiruar dje rreth orës 14:00 në rrugën magjistrale Gjilan- Prishtinë, afër liqenit të Badovcit.
Se nuk janë në gjendje të mirë veturat zyrtare të policisë e ka thënë edhe drejtori i ri i Policisë së Kosovës, Rashit Qalaj.
Ai në një intervistë për KALLXO.com ka thënë se veturat zyrtare të Policisë në shumicën e rasteve nuk janë të sigurta për vozitje për shkak të vjetërsisë dhe numrit të madh të kilometrave të kaluara.
“Policia e Kosovës disponon një numër të caktuar të automjeteve dhe numri i tyre është mjaft i madh, mirëpo gjendja faktike është pak më ndryshe meqenëse shumica e këtyre veturave janë të vjetra dhe kanë shumë kilometra të kaluara dhe mund të them që në shumicën e rasteve nuk janë të sigurta për vozitje”, ka thënë Qalaj.
https://kallxo.com/konfirmon-drejtori-veturat-e-policise-nuk-jane-te-sigurta-per-vozitje/