Foto: RTV 21
Më i Sakti Deputeti më i Moshuar
28.2.2018 - 10:28
Deputeti më i moshuar i Kuvendit të Kosovës, Adem Mikullovci nga Vetëvendosja vazhdon të jetë më i përpikti sa i përket prezencës në seancat e Kuvendit.
Deputeti i Lëvizjes Vetëvendosje është i pari që ka hyrë në sallën e Kuvendit sot.
Sot pritet të mbahet seanca për demarkacionin e cila duhej të niste në orën 10:00.
Kjo është përpjekja e tretë e Kuvendit të Kosovës për mbajtjen e seancës për demarkacionin, pasi javën e kaluar ka dështuar mbajtja e dy seancave të parapara me këtë rend dite.
Lista Serbe dhe Vetëvendosja deri tani janë dy partitë që janë deklaruar kundër votimit të marrëveshjes me Malin e Zi për demarkacionin.