Rrokulliset kamioni afër Gjilanit

Në fshatin Doberqan të komunës së Gjilanit sot pasdite ka ndodhur një vetaksident, ku një kamion është rrokullisur si pasojë e mospërshtatjes së shpejtësisë me kushtet e rrugës.

Zëdhënësi i Policisë për Rajonin e Gjilanit, Ismet Hashani ka thënë për KALLXO.com që si pasojë e këtij vetaksidenti një person është lënduar.

“Në Doberqan ka ndodhur një vetaksident, ku një person duke e drejtuar një kamion, si pasojë e mospërshtatjes së shpejtësisë me kushtet e rrugës është rrokullisur”, ka thënë Hashani.

Ai ka njoftuar se një person është dërguar për trajtim por që nuk ka pësuar lëndime serioze nga aksidenti.

Hashani ka thënë për KALLXO.com se Policia është duke e hetuar rastin.