Rrëzohet aeroplani, bie mbi aeroplanin tjetër
Një aeroplan i kompanisë ajrore EasyJet i cili ishte nisur për në Londër u rrëzua mbi një aeroplan tjetër në pistën e aeroportit në Amsterdam këtë mëngjes.
Aeroplani Airbus A320 u përplas me një avion të tipit Boeing i cili ishte i parkuar në pistë.
Sipas raportimit të së përditshmes ‘The Sun’ pasagjerët thanë se krahu i Airbus ishte vendosur në bishtin e avionit KLM, i cili duhej të fluturonte për në Madrid,
Një kliente zbuloi se ishte pengesa e dytë në udhëtimin e saj me EasyJet pasi linja ajrore kishte humbur tashmë bagazhin e saj.
Kompania EasyJet u detyrua të gjejnë një avion zëvendësues për udhëtarët të cilët janë vonuar për më shumë se katër orë.
Ndërsa siç raporton ‘The Sun’, fluturimi i aeroplanit KLM në Madrid është shtyer për gati tre orë, edhe pse nuk ishte e qartë nëse përdoret i njëjti aeroplan. Përveç dëmeve nuk raportohet për të lënduar. Një zëdhënës i kompanisë ajrore tha se siguria e udhëtarëve dhe ekuipazhit është prioritet dhe një hetim është nisur në përputhje me procedurën.