Rreziku nga helmimi me ushqim, IKShPK apel qytetarëve të Kosovës për kujdes
Instituti Kombëtar i Shëndetësisë Publike të Kosovës sërish u ka bërë thirrje qytetarëve që të kenë kujdes se ku po ushqehen.
Sipas Instutit, duhet pasur kujdes gjatë gatimit, ruajtjes dhe shpërndarjes së ushqimit sepse mund të jemi pre e helmimit me ushqim.
“Mos hani kudo!”, është porosia e Institutit për qytetarët e Kosovës.
“Pakujdesia shkakton epidemi me rrezik për jetën e qytetarëve!”, thekson tutje në apel IKShPK.
Një apel të ngjashëm Instituti e ka bërë edhe para pak ditësh.
Kjo është porosia e plotë e Institutit Kombëtar të Shëndetësisë Publike:
“Qytetarë të nderuar!
Jemi në sezonin e verës! Kujdes gjatë gatimit, Ruajtjes dhe shpërndarjes së ushqimit!
Kujdes! Mund të jeni pre e helmimeve me ushqim!
MOS HANI USHQIM KUDO!
PAKUJDESIA SHKAKTON EPIDEMI ME RREZIK PËR JETÊN E QYTETARËVE!”.