Foto: Ilustrim
Rrahje për Mospagim të Parkingut
11.8.2016 - 14:30
Një person është arrestuar mbrëmë nga Policia në Prizren dhe është dërguar në mbajtje pasi e kishte sulmuar fizikisht një person tjetër.
Sipas policisë, ngjarja ka ndodhur në rr. “Edit Durham” rreth orës 22:30.
Sipas Policisë, rrahja ka ndodhur në parking të qytetit shkaku i një mospagimi.
Policia njofton se një person ka sulmuar një person tjetër, të cilit i ka shkaktuar lëndime në hundë. I sulmuari pas tretmanit mjekësor është liruar, ndërsa i dyshuari në konsultim me prokurorin është dërguar në mbajtje.
Në raportin e saj Policia nuk e sqaron se kush është sulmuesi e kush i sulmuari.