QKMF dhe Ambulanca Specialistike në Mitrovicë ‘Nën një Kulm’
Ambulanca Specialistike dhe Qendra Kryesore e Mjekësisë Familjare në Mitrovicë pritet të ndërtohen në një lokacion të përbashkët.
Kryetari i Komunës së Mitrovicës, Agim Bahtiri gjatë takimit me ushtruesin e detyrës së Spitalit të Përgjithshëm në Mitrovicë, Hamëz Berisha diskutuan për ndërtimin e objektit të Ambulancës Specialistike dhe ndërtimin e Qendrës Kryesorë të Mjekësisë Familjare në Mitrovicë.
Drejtori i Spitalit Hamez Berisha ka kërkuar që ndërtimi i këtyre dy objekteve të bëhet në një lokacion të përbashkët.
“Ndërtimi i këtyre dy objekteve në një lokacion të përbashkët është shumë i rëndësishëm sepse këto dy objekte janë integrale dhe komplementarë të njëra tjetrës” , tha Berisha.
Kryetari Bahtri ka përkrahur kërkesën e drejtorit të Spitalit sepse, sipas tij, është një mundësi e mirë që qytetarët shërbimet e tyre mjekësore t’i kryejnë në një vend.
Në këtë takim Bahtiri dhe Berisha u pajtuan që ta përcaktojnë lokacionin për realizimin konkret të projekteve në fjalë dhe pastaj të realizojnë një takim me institucionet e nivelit qendror.