Qeveria Vë Rregull në Komunikacion
Ministri Lutfi Zharku tha se në njërën nga pikat e këtij projektligji janë përfshirë edhe kushtet bazë që duhet t’i plotësojnë rrugët me sinjalizim e të tjera.
“Zbatimi i këtij ligji nuk parasheh implikime buxhetore,“ tha Zharku.
Këtë vit sipas statistikave të policisë është shtuar numri i të vdekurve në komunikacion.
http://kallxo.com/qirinj-per-kujtim-te-te-vdekurve-ne-trafik/
Qeveria në mbledhjen e saj, përveç Projektligjit për Rregullat e Komunikacionit, miratoi edhe Projektligjin për Tregtinë me Produkte të Naftës dhe Karburante të Ripërtërishme dhe 10 pika tjera të rendit të ditës.
Ekzekutivi aprovoi edhe Projektligjin për Kundërvajtje.
Ministri i Drejtësisë Hajredin Kuçi tha se ky projektligj ka për qëllim që të bëjë reformim në fushën e kundërvajtjeve në Kosovë.
“Të rrisë efikasitetin në shqyrtimin dhe zgjidhjen e lëndëve për kundërvajtje,” tha Kuqi.
Sipas tij me këtë projektligj parashihet edhe mundësia e heqjes së dënimit me burgim për kundërvajtje.
Në mbledhje u miratua edhe Projektligji për Donacione në Fushën e Kulturës, Rinisë dhe Sportit dhe themelimi i Këshillit Nacional për Persona me Aftësi të Kufizuar.
Në përbërje të këtij këshilli do të jenë të përfshirë zëvendësministra dhe përfaqësues të shoqatave personave me aftësi të kufizuara, ndërsa roli i këshillit do të jetë këshillëdhënës.