Lulzim Berisha, kryetari i grupit të tifozëve "Dardanët", Foto: Facebook
Prokuroria konfirmon, kryetari i grupit të tifozëve 'Dardanët' i arrestuar për fajde
Ditën e djeshme policia kreu një aksion i cili ishte i shtrirë në 11 lokacione në Prishtinë.
Njëri nga pesë të arrestuarit është edhe kryetari i grupit të tifozëve “Dardanët”, Lulzim Berisha.
I njëjti është i arrestuar për fajde dhe krim të organizuar.
Arrestimin e Berishës për KALLXO.com e konfirmoi prokurori i Prokurorisë Speciale, Naim Abazi.
“Po”, ka qenë përgjigja e prokurorit Abazi në lidhje me arrestim e kryetarit të grupit të tifozëve “Dardanët”.
Policia e Kosovës gjatë ditës së djeshme ka ndërmarrë një aksion në 11 lokacione të Prishtinës, ku ka arrestuar 5 persona ndërsa dy të tjerë janë në arrati.
Në arrati është edhe djali i ish- komandantit të UÇK-së, Sabit Gecit.
Aksioni i policisë ka qenë për fajde, detyrim dhe krim të organizuar.
https://kallxo.com/prokuroria-speciale-djali-i-sabit-gecit-i-dyshuar-per-fajde/
https://kallxo.com/bastisja-afer-shtepise-se-gecit-per-fajde/