Prokuroria jep detaje për vdekjen e 42 vjeçarit në Prishtinë

Një person është gjetur i vdekur mëngjesin e sotëm në banesën e tij në lagjen Dardania në Prishtinë.

Zëdhënësja e Prokurorisë Themelore në Prishtinë, Laureta Ulaj ka thënë për KALLXO.com se në lidhje me këtë rast prokurorja e rastit ka bërë kërkesë për obduksion.

“Prokurorja e rastit ka ushtruar sot një kërkesë për obduksion. Nuk dihen ende motivet e këtij rasti”, ka thënë Ulaj.

KALLXO.com raportoi më herët për vdekjen e 42 vjeçarit në lagjen Dardania në Prishtinë.

Zëdhënësi i Policisë së Kosovës, Bajram Krasniqi e ka konfirmuar rastin për KALLXO.com

“Sot rreth orës 10:50 në Prishtinë në lagjen Dardania, në banesën e tij nga familjarët është gjetur i vdekur personi F. G., 42 vjeçar”, ka thënë Krasniqi.

Ai ka shtuar se në vendin e ngjarjes kanë dal njësitet e nevojshme policore, ndërsa vdekjen e viktimës e ka konstatuar njësia e urgjencës në Prishtinë

“Lidhur me veprimet është njoftuar Prokurori kujdestar dhe Njësia e Hetimeve Rajonale”, ka thënë Krasniqi.