Prishtinë, një i vdekur nga era e fortë
25.12.2018 - 12:04
Era e fortë që ka fryrë mbrëmë në Prishtinë i ka marrë jetën një personi.
Policia e Kosovës bën të ditur se të hënën rreth orës 16:10, një person që punonte në një autoservis është goditur nga një pemë e cila është rrëzuar si pasojë e erës.
“Raportohet se si pasojë e erërave te forta, është rrezuar një peme-lis dhe si pasoj dyshohet se ka zënë viktimën mashkull K-Shqiptar punëtor i një autoservisi. Viktima është dërguar ne QKUK ku nga mjeku kujdestar është konstatuar se i njëjti është pa shenja jete. Me urdhër te prokurorit trupi i pa jete i viktimës dërgohet ne IML për obduksion”, thuhet në raportin ditor të Policisë.