Aksidenti në Gllamnik - Foto: KALLXO.com
Policia Jep Detaje për Aksidentin e Mbrëmshëm me Fatalitet
Policia ka dhënë detaje rreth aksidentit që ndodhi mbrëmë rreth orës 18:00 në rrugën magjistrale Prishtinë – Podujevë, saktësisht në fshatin Gllamnik, ku nga lëndimet e marra vdiq një këmbësor.
Sipas Policisë, në këtë aksident kanë qenë të përfshirë dy automjete, një kamionetë e tipit “Ford” dhe një veturë BMW, dhe një këmbësor.
Këmbësori nuk ka mundur t’u përballojë plagëve të marra dhe ka ndërruar jetë.
Vdekjen e viktimës e ka konstatuar ekipi mjekësor në Qendrën Klinike Universitare të Kosovës.
Për këtë aksident tragjik raportoi mbrëmë KALLXO.com.
http://kallxo.com/aksident-fatalitet-ne-magjistralen-prishtine-podujeve/
Policia njofton se lidhur me këtë aksident ngasësi i kamionetës, B.B. 22 vjeç, është shoqëruar në stacionin policor dhe me urdhër të Prokurorit të shtetit, i është shqiptuar masa e ndalimit prej 48 orësh.
Gjithashtu me urdhër të prokurorit të dyja automjetet e përfshira në aksident janë konfiskuar nga ana e policisë.
Ndërsa trupi i viktimës A. M. 28 vjeç, është dërguar në Institutin e Mjekësisë Ligjore për obduksion.