Ilustrim
Policia arreston të dyshuarin për vrasjen te nënkalimi në rrugën 'Bill Clinton'
Policia e Kosovës ka njoftuar se sot ka arritur të arrestojë të dyshuarin për vrasjen që ka ndodhur më 20 korrik te nënkalimi në rrugën “Bill Clinton” në Prishtinë.
I arrestuari është personi me inicialet N.B.
Arrestimin e të dyshuarit e ka bërë Sektori i Hetimeve të Stacionit Qendra në bashkëpunim me Hetimet Rajonale të Drejtorisë Rajonale të Policisë në Prishtinë sot rreth orës 17:00.
“Policia e Kosovës pas ndërmarrjes së veprimeve të vazhdueshme hetimore dhe operacionale lidhur me rastin e raportuar me datë 20.07.2019 “Vrasje” të ndodhur në Prishtinë tek nënkalimi në rrugën Bill Klinton ju informon se sot rreth orës 17:00 Sektori i Hetimeve të Stacionit Qendra në bashkëpunim me Hetimet Rajonale të Drejtorisë Rajonale të Policisë në Prishtinë kanë arrestuar të dyshuarin”, thuhet në njoftimin e Policisë së Kosovës.
Personi i dyshuar është në proces të intervistimit dhe në konsultim me prokurorin kompetent do të ndërmerren të gjitha veprimet e mëtutjeshme sipas procedurave ligjore.
Prokuroria e Prishtinës, më 20 korrik kishte njoftuar se ka vdekur personi me inicialet G.R., si pasojë e lëndimeve të rënda që i ka marr nga një përleshje te nënkalimi i rrugës “Bill Clinton” në Prishtinë.
https://kallxo.com/rrahje-ne-prishtine-vdes-nje-person/
https://kallxo.com/prokuroria-jep-detaje-per-rrahjen-ne-prishtine-ku-mbeti-i-vdekur-nje-person/?fbclid=IwAR3T5SHQENjZ8XB-Bv0dhfYsaTQVFpB1ml0TGpw1vrT_k7Um4xwW_OC0sLw
.