Policët e arrestuar në veri dalin para gjykatës
Në Gjykatën e Prishtinës është duke u mbajt seanca dëgjimore për 9 policët e arrestuar të martën në veri.
Seanca është duke u mbajtur pas kërkesës së Prokurorisë Speciale për caktimin e masës së sigurisë ndaj tyre.
Policia e Kosovës të martën arrestoi 19 persona gjatë një aksioni të gjerë kundër rrjeteve të organizuara të kontrabandës me mallra.
Të martën, aksioni i Policisë përfundoi me disa të arrestuar, duke përfshirë edhe zyrtar policor, barrikada, përleshje, konfiskime të armëve, dhe policë të plagosur.
Në bazë të raportimeve të deri tanishme nga ekipet e KALLXO.com të cilët kanë raportuar në vazhdimësi për aksionin e policisë, nga ky aksion është plagosur një zyrtar policor, dhe tre të tjerë janë lënduar, ndërsa janë arrestuar gjithsej 19 zyrtar policor dhe 10 qytetar të dyshuar si pjesë e rrjeteve të kontrabandës.
Policia në orët e para të mëngjesit ka njoftuar se cak i këtij operacioni janë disa zyrtar policor dhe disa qytetar të cilët dyshohen për pjesëmarrje ose organizim të grupit kriminale, kontrabandë me mallra, keqpërdorim të pozitës zyrtare, dhënie ryshfeti dhe tregti e ndaluar.
https://kallxo.com/arrestime-plagosje-e-barrikada-nga-aksioni-i-sotem-i-policise-se-kosoves/
.
