Podujevë, vdes një person në aksident
Një person ka vdekur si pasojë e një aksidenti trafiku i cili ka ndodhur rreth orës 15:00 në Podujevë.
Zëdhënësja e policisë në rajonin e Prishtinës, Florie Ahmeti ka thënë për KALLXO.com se në këtë aksident kanë qenë të përfshira dy automjete.
“Rreth orës 15:00 kemi pranuar informatën se në rrugën “Xhemajl Mustafa” në Podujevë, ka ndodhur një aksident trafiku me pasoja fatale. Në këtë aksident kanë qenë të përfshira dy automjete, një veturë e tipit Golf 6, ngjyrë hiri, i cili ka qenë në lëvizje dhe një kombi i cili ka qenë i parkuar”, ka thënë Ahmeti për KALLXO.com.
Ajo tutje ka shtuar se shoferi i automjetit Golf 6 ka vdekur si pasojë e lëndimeve të marra .
“Trupi i pa jetë i viktimës është dërguar për obduksion. Me rastin po merret njësiti i trafikut”, ka shtuar Ahmeti.
