Podujevë, hajnat tentojnë të vjedhin bankën

Një tentim vjedhje në një bankë ka ndodhur në qytetin e Podujevës, përkatësisht në rrugën “Zahir Pajaziti”.

Policia e Kosovës njofton se pas aktivizimit të alarmit në një bankë, kanë reaguar menjëherë njësitet policore dhe në vendin e ngjarjes kanë vërejtur se dera e hyrjes në bankë është e hapur me forcë.

Rasti ka ndodhur dje rreth orës 4:00 të mëngjesit.

“Është kontaktuar menaxheri i bankës, i cili ka deklaruar se përveç dëmit, nuk është vjedhur asgjë nga banka”, njofton Policia.

Rastit iu kanë përgjigjur njësitet relevante policore dhe me vendimin e prokurorit, iniciohet rasti dhe mbetet nën hetime.

Rasti po trajtohet si vjedhje e rëndë në tentativë.