Në Jeta në Kosovë  u transmetua debati mbi cilësinë e arsimit të ulët dhe të lartë.

Rozafa Koliqi për të cilën ‘Jeta në Kosovë’ kishte transmetuar hulumtime, rrëfeu betejën dy vjeçare  për avancim në Universitetin e Prishtinës.

Ministri i Arsimit, Shkencës dhe Teknologjisë dhe Rektori i Universitetit të Prishtinës flasin për mundësitë e përmirësimeve në arsim.

Në fund u transmetua hulumtimi mbi konkursin për avancim në Fakultetin e Shkencave Matematiko Natyrore ku dy kandidatë po ankohen se u eliminuan padrejtësisht nga gara për Profesor Asistent.

Pjesëmarrës në debat janë : Shyqyri Bytyqi, Ministër i Arsimit, Shkencës dhe Teknologjisë, Marjan Dema, Rektor i Universitetit të Prishtinës, Jehona Gjurgjeala nga organizata ‘TOKA’, Libor Chlad, nga Komisioni Evropian dhe Rozafa Koliqi profesor asistente në UP.

Emisioni “Jeta në Kosovë” transmetohet çdo të enjte në RTK në orën 20:15 dhe repriza të premten në mesditë.

Kryeministri i Kosovës, Albin Kurti, është takuar me nënkryetaren e Mitrovicës së Veriut, Katarina Adjançiq, nënkryetaren e Zveçanit, Natasha Tomaniq dhe përmes videolidhjes me nënkryetaren e Leposaviqit, Marina Bogojeviq.

Në takim mori pjesë edhe ministri i Administrimit të Pushtetit Lokal, Elbert Krasniqi, dhe këshilltarja e kryeministrit për çështje të komuniteteve, Elizabeth Gowing.

Sië është njoftuar, pjesëmarrësit e takimit biseduan për situatën aktuale në katër komunat në veri të vendit dhe për zhvillimet e fundit në raportet me fqinjin verior, me theks te veprimet e djeshme me rastin e ndalimit të qytetarëve të Kosovës në pikat kufitare dhe kërcënimet publike nga presidenti i Serbisë. Aleksandar Vuçiq.

“Vëmendje e veçantë gjatë takimit iu dha dhe mundësive për intensifikimin e investimeve dhe projekteve infrastrukturore në këto komuna, masave praktike që mund të lehtësojnë punësimin, sikurse masa e punësimit për 2000 banorë të komunave të Mitrovicës së Veriut, Leposaviqit, Zveçanit dhe Zubin Potokut, që është lansuar në shkurt të këtij viti, dhe procesit të regjistrimit të popullsisë“ – thuhet në njoftimin e Zyrës së Kryeministrit.

Tutje u shtua se lidhur me çështjen e regjistrimit të popullsisë, Kurti vuri theksin te rëndësia e këtij procesi dhe ndikimin e drejtpërdrejtë që pjesëmarrja në këtë proces ka edhe në ndarjen e drejtë të buxhetit për komuna dhe planifikimin strategjik të politikave dhe projekteve.

Gjithashtu u njoftua se në takim u bisedua edhe për votimin për shkarkimin ose jo të kryetarëve i cili pritet të mbahet me 21 prill dhe për punën e institucioneve rreth organizimit të këtij procesi demokratik, që është iniciuar nga nënshkrimet e vetë qytetarëve të këtyre komunave.

Kurti u tha se falënderoi nënkryetaret për angazhimin e tyre dhe punën që po bëjnë, dhe u ofroi vazhdim të bashkëpunimit në shërbim të kërkesave dhe nevojave të qytetarëve që përfaqësojnë dhe komunave që qeverisin.