Përmirësimet në arsim

Në Jeta në Kosovë  u transmetua debati mbi cilësinë e arsimit të ulët dhe të lartë.

Rozafa Koliqi për të cilën ‘Jeta në Kosovë’ kishte transmetuar hulumtime, rrëfeu betejën dy vjeçare  për avancim në Universitetin e Prishtinës.

Ministri i Arsimit, Shkencës dhe Teknologjisë dhe Rektori i Universitetit të Prishtinës flasin për mundësitë e përmirësimeve në arsim.

Në fund u transmetua hulumtimi mbi konkursin për avancim në Fakultetin e Shkencave Matematiko Natyrore ku dy kandidatë po ankohen se u eliminuan padrejtësisht nga gara për Profesor Asistent.

Pjesëmarrës në debat janë : Shyqyri Bytyqi, Ministër i Arsimit, Shkencës dhe Teknologjisë, Marjan Dema, Rektor i Universitetit të Prishtinës, Jehona Gjurgjeala nga organizata ‘TOKA’, Libor Chlad, nga Komisioni Evropian dhe Rozafa Koliqi profesor asistente në UP.

Emisioni “Jeta në Kosovë” transmetohet çdo të enjte në RTK në orën 20:15 dhe repriza të premten në mesditë.

 

Ish-drejtoresha e Arsimit në Komunën e Prishtinës, Arbërie Nagavci, ka treguar se gjatë mandatit të saj në këtë komunë nuk është ndërtuar asnjë shkollë.

“Një gjë nuk e kemi arritur ta bëjmë dhe për të cilën më vjen keq është që kundër faktit kemi pasur të buxhetuar ndërtimin e 5 shkollave të reja në Prishtinë, nuk kemi arritur të ndërtojmë asnjë shkollë gjatë mandatit sa kam qenë unë”, tha Nagavci.

Ajo në DebatPërnime tha se kjo ka ndodhur për shkak të ndërtimeve pa leje në Prishtinë.

“Për faktin se Komuna e Prishtinës është e mbingarkuar me këto ndërtimet pa leje dhe nuk ka arritur që të gjejë një lokacion, përkundër që ne si drjetori e arsimit kemi paraqit kërkesat, arsyeshmërinë, buxhetin nuk është gjetur hapësirë nga komuna që të ndërtohet një shkollë”, tha Nagavci.