Vetëvendosje: Do ta Kundërshtojmë Zgjedhjen e Anëtarëve të Kushtetueses

Vetëvendosje ka kundërshtuar votimin e djeshëm për anëtarë të Gjykatës Kushtetuese të Kosovës në kohën kur në sallën e Kuvendit nuk ishte lejuar të hynte asnjë deputet i bllokut opozitar.

Aida Dërguti, nënkryetare e Kuvendit nga Vetëvendosje, denoncoi zgjedhjen e një ish kandidateje të LDK-së për anëtare të kësaj gjykate, Selvete Gërxhaliu- Krasniqi, duke thënë se opozita nuk do të pajtohet me këtë zgjedhje.

“Opozita e bashkuar do t’i kundërshtoj bashkë, në veçanti me qytetarët”, tha Dërguti.

“Dje ngjau ajo qe ju e patë si përjashtimi i opozitës nga Kuvendi, edhe kjo ka domethënien e saj politike. Në Kuvend janë bërë shkelje”, tha Dërguti.

Bashkë me Gërxhaliu- Krasniqin, për anëtare të Kushtetueses është votuar edhe Gresa Nimani- Caka.