Fillon Shpërndarja Online e Testit të Maturës

Përgjigjet e Testit të Maturës Shtetërore në Kosovë fillojnë të shpërndahen nëpër mediet sociale, nga grupe të organizuara nxënësish.

Dhjetëra teste me përgjigjet përkatëse kanë dalë sakaq në Facebook, ndërkohë që numri pritet të rritet gjatë ditës.

Kjo është hera e tretë që Kallxo.com zbulon dhe raporton për këtë fenomen, i cili vazhdon të ndodhë në çdo test.

Dalja e testeve online mundësohet vetëm përmes mjeteve të përparuara të teknologjisë së komunikimit, konkretisht telefonat inteligjente.

Ndonëse Ministria e Arsimit ka vendosur masa ta forta për dorëzimin e mjeteve të komunikimit para fillimit të provimit, sërish disa nxënës duket se gjejnë mënyrën për t’i përdorur këto pajisje.

Më poshtë disa foto të testeve të shpërndara: