Përleshje mes tifozëve, dy persona dërgohen në QKUK
11.5.2019 - 21:23
Dy persona kanë pësuar lëndime, ku njëri prej tyre dyshohet të jetë therur me thikë, pas një përleshje që ka ndodhur pas një ndeshje futbollistike në Prishtinë.
Zëdhënësja e policisë në rajonin e Prishtinës, Florie Ahmeti ka thënë për KALLXO.com, se rasti ka ndodhur rreth orës 19:30.
“Rreth orës 19:30 jemi njoftuar nga QKUK për dy persona të lënduar, ku njëri prej tyre dyshhet të jetë therur me thikë”, ka thënë Ahmeti.
Ahmeti ka shtuar se derisa personat e lënduar po marrin tretman mjekësor, njësitet policore janë duke punuar në zbardhjen e ketyre rasteve që kanë ndodhur në afërsi të sheshit “Nëna Terezë”, në Prishtinë.