Bartja e kufomave pas zhvarrimit | Foto: KALLXO.com
Përfundon Autopsia e Viktimave të Vdekjeve të Dyshimta
15.9.2017 - 15:03
Është kryer autopsia e tre personave që u zhvarrosën dje në lidhje me vdekjet e dyshimta të javës së kaluar në QKUK.
Lajmin për përfundimin e autopsisë për KALLXO.com e bëri të ditur Drejtori i Institutit të Mjekësisë Ligjore, Arsim Gërxhaliu.
“Ka përfunduar autopsia e tre personave të cilët u zhvarrosën dje. Nuk dihet se sa kohë do të duhet për t’u bërë analizat toksikologjike dhe ato histopatologjike”, tha Gërxhaliu.
Më tej, ai bëri të ditur se trupat e pajetë u janë kthyer familjarëve.
Në ditën e djeshme, një zhvarrim u bë në regjionin e Prishtinës, një në Skenderaj dhe një në Viti.
http://kallxo.com/zhvarrosen-personat-qe-vdiqen-ne-qkuk/
http://kallxo.com/ministri-deklarohet-per-vdekjet-e-dyshimta-ne-qkuk/