Përditshmëria e të rinjve në shfaqje baleti
07.3.2019 - 09:57
Baleti Kombëtar do të shfaq sot, më 7 mars 2019, duke filluar nga ora 20:00 reprizën e shfaqjes “Andërr” me libreto dhe koreografi të Kreshnik Musollit.
Shfaqja është realizuar premierë në muajin shkurt të këtij viti, ndërsa është një kombinim stilesh vallëzimi nga ku ndërtohet përditshmëria e të rinjve që në thelb të trajtimit ka kohën, e cila humbet e nuk kthehet më.
Lakmia, xhelozia, janë pjesa tjetër e vetive që trajtojnë balerinët përmes lëvizjeve të tyre.
Ngjarja në shfaqje ndodh në një lagje ku dëgjohet muzika hip-hop brenda një komuniteti që jeton në lumturi e harmoni me shumë nevoja, por që ëndrra nuk ua zbeh asnjëherë synimin.