Peja as këtë vit nuk ‘zbukurohet’ nga Komuna për festat e fundvitit

Komuna e Pejës edhe këtë vit do të kursehet nga zbukurimet e qytetit.

Ky është viti i katërt në të cilën kjo Komunë nuk shpenzon asnjë cent për dekorimin e qytetit në rastin e festave të fundvitit.

Këtë e ka bërë të ditur për KALLXO.com, drejtori i Financave në Komunën e Pejës, Jeton Abazaj.

Ai ka thënë për KALLXO.com se qyteti do të dekorohet vetëm nga kompanitë vendore.

“Komuna e Pejës nuk ka nda buxhet për dekorim dhe as nuk kemi planifikua për shkak se kemi pasur që nga fillimi kontakte me bizneset dhe është vullneti i tyre që të bashkëpunojmë”, u përgjigj shkurt Abazaj.

Sipas tij, dekorimet nga bizneset do të fillojnë këtë javë.

Abazaj në një prononcim për KALLXO.com vitin e kaluar premtoi se për fundvitin e 2018-ës komuna do ndajë buxhet për dekorimin e qytetit.

KALLXO.com ka raportuar edhe për Komuna të tjera të Kosovës, se sa buxhet kanë ndarë për zbukurim të qytetit të tyre.

https://kallxo.com/komuna-e-cila-vitin-e-kaluar-ishte-cak-i-perqeshjes-zvogelon-buxhetin-per-dekorimin-e-qytetit-ne-prag-te-festave-te-fundvitit/

https://kallxo.com/prishtina-rrit-buxhetin-per-dekorimin-e-shesheve-per-festat-e-fundvitit/

.