Pazaret në Prokurorinë e Prizrenit
Emisioni sjell detaje dhe dëshmi të tjera për takimet e prokurorit Bajram Hamitaga me familjen Paçarizi dhe diskutimet rreth rastit që prokurori ishte duke e hetuar.
Në biseda me dëshmitarë dhe materiale të filmuara emisioni sjell dëshmi për oferta për të dhënë mitë për prokurorin dhe negociatat e tjera në mes shoferit të prokurorisë dhe familjes Paçarizi.
Dëshmi për takimet ku prokurorit iu dha një çadër dhe për favoret e tjera të cilat familja Paçarizi i dha për prokurorin i cili po hetonte lëndën e djalit të tyre.
Pjesë e emisionit do jenë edhe pretendimet e mëhershme për korrupsion në prokurori e të cilat nuk janë hetuar deri më tani.
Bisedat ekskluzive me dëshmitarë të rastit, sekserë dhe prokurorin e dyshuar për mitëmarrje mund t’i ndiqni të premten në RTK.
Në pjesën e dytë të emisionit, “Drejtësia në Kosovë” transmeton reportazhin e përgatitur në bashkëpunim me Policinë e Kosovës në sekuestrimin e pronave të familjes Kqirra nga Prizreni, të cilat dyshohet se u fituan nga veprimtaria e fajdeve.
http://kallxo.com/sekuestrohen-pronat-e-familjes-se-dyshuar-per-fajde-video/
Emisioni “Drejtësia në Kosovë” transmetohet çdo të premte nga ora 21:20 në RTK dhe repriza të hënën në mesditë.