Pas raportimit të KALLXO.com, rregullohet asfalti në fshatin e Presidentit
Rrugët për te shtëpitë e familjes së Presidentit të Kosovës Hashim Thaçi, në fshatin Burojë të Skenderajt kanë filluar të rregullohen pas raportimit të KALLXO.com se gjendja e tyre është e keqe.
Sipas disa fotografive të dërguara në redaksinë e KALLXO.com shihet se një pjesë e rrugës tashmë është rregulluar, ndërsa në të njëjtin segment, në rrugën e fshatit Aqarevë ka filluar gërryerja e asfaltit.
Por gjendja në rrugën ‘Smajl Rexha’ ende është e njëjtë.
KALLXO.com ka kontaktuar me komunën e Skenderaj ku ka marrë konfirmimin se punimet janë duke u zhvilluar me mbështetjen e Ministrisë së Infrastrukturës.
Për këtë rrugë, KALLXO.com në shtator kishte kontaktuar me zyrën e Ministrisë së Infrastrukturës, të cilët kishin thënë se nuk është “kompetencë e tyre por e Komunës së Skenderajt”.
Para kamerës së KALLXO.com disa qytetarë ishin ankuar për këtë rrugë.
https://kallxo.com/buroja-e-hashim-thacit-me-asfalt-te-shkaterruar-2/