Shefja e re e EULEX-it, Alexandra Papadopoulou
Papadopoulou, Shefe e EULEX-it
21.7.2016 - 15:07
Bashkimi Evropian ka emëruar Alexandra Papadopouloun shefe të EULEX-it.
Sipas një njoftimi të Misionit evropian për sundimin e ligjit, zonja Papadopoulou do të marrë detyrën më 1 shtator 2016.
Alexandra Papadopoulou është diplomate me përvojë nga Greqia.
Ajo do të zëvendësojë Gabriele Meuccin, i cili drejton EULEX-in që nga 15 tetori 2014.
Sipas njoftimit të publikuar në ueb-faqen e EULEX-it, vendimi është marrë nga Komiteti për Politika dhe Siguri.
Kjo është hera e parë që Bashkimi Evropian emëron në krye të EULEX-it përfaqësues nga një shtet që ende nuk e ka njohur pavarësinë e Kosovës.