Foto: Behgjet Pacolli/Facebook
Pacolli thotë se i çon fëmijët në shkollë publike, 'e jo si të tjerët në shkolla private'
Kryetari i AKR-së, Behgjet Pacolli, nëpërmjet një postimi në Facebook, ka treguar se fëmijët e tij shkojnë në shkolla publike, e jo në private, siç ‘preferojnë të tjerët’.
Pacolli si duket i është përgjigjur kryetarit të AAK-së, Ramush Haradinaj, i cili sot tregoj se djali i tij ndjek mësimet në një shkollë private.
“Si për shumë fëmijë të tjerë, sot është fillimi i shkollës edhe për fëmijët e mi, të cilët janë duke u shkolluar në shkolla publike e jo në ato private siç preferojnë të tjerët. Unë u kam mësuar atyre që të gjithë njerëzit janë njësoj. I uroj të gjithë fëmijëve dhe të rinjëve një vit të suksesshëm arsimor”, ka shkruar Pacolli.
Në anën tjetër, KALLXO.com, sot ka raportuar për gjimnazin privat ‘Loyola’ ku do t’i ndjekë mësimet djali i Haradinajt, e që në tetor të vitit të kaluar, qeveria që e drejtonte Haradinaj i kishte ndarë plotë 658 mijë euro për këtë gjimnaz.
Qeveria ia kishte dhënë 658 mijë euro gjimnazit ku vijon mësimet djali i Haradinajt