Pacolli reagon për kontrollin e pjesëmarrësve nga Kosova të “Mirëdita Dobar dan!” nga policia serbe
Ministri i Jashtëm i Kosovës, Behgjet Pacolli e ka dënuar ashpër kontrollin që policia serbe u ka bërë në Merdare pjesëmarrësve nga Kosova të festivalit ‘Mirëdita, dobar dan!”.
“E dënoj me forcë sjelljen e policisë kufitare serbe ndaj pjesëmarrësve nga Kosova të ‘Mirëdita, Dobar dan!’ aktivitet që kërkon pajtimin nga dy vendet. Është i njëjti mentalitet dhe sjellje e policisë serbe si në vitet ’90”, ka shkruar Pacolli në Twitter.
Ai e ka vënë në dijeni për këtë zhvillim edhe shefen e Politikvs së Jashtme të Bashkimit Europian, Federica Mogherini.
Festivali “Mirëdita, dobar dan!”, pritet të nis sonte në Beograd.
Organizata të shumta si dhe media nga Kosova, mëngjesin e sotëm janë ndaluar në pikën kufitare në Merdare dhe kanë kontrolluar në detaje udhëtarët duke përfshirë edhe posterët e festivalit.
Mbrëmë në Beograd janë mbajtur protesta në kundërshtim të këtij festivali dhe pritet që protesta të vazhdoj edhe në ditët në vijim.
Festivali kulturor pritet të zgjas deri më 1 qershor 2019.
KALLXO.com ka raportuar se dy patrolla të policisë së Serbisë janë duke i shoqëruar gjatë udhëtimit për në Beograd pjesëmarrësit nga Kosova të festivalit “Mirëdita, dobar dan!”.