Ministri i Jashtëm, Behgjet Pacolli - Foto: KALLXO.com

Pacolli: Bejtush Gashi do të marrë përgjegjësi të rëndësishme institucionale

Kryetari i AKR-së, Behgjet Pacolli, ka njoftuar se ministri i shkarkuar i Punëve të Brendshme, Bejtush Gashi, në ditët e ardhshme do të marrë përgjegjësi të rëndësishme institucionale.

Pacolli tregoi se në kuadër të përgjegjësive institucionale, me propozimin e tij si kryetar i AKR-së, i ka kërkuar kryeministrit Ramush Haradinaj të emërojë Fatmir Matoshin ministër të Mjedisit dhe Planifikimit Hapësinor dhe Ekrem Mustafën ministër të Punëve të Brendshme.

Behgjet Pacolli ka falënderuar ministrin e shkarkuar Bejtush Gashin për kontributin e dhënë dhe ka paralajmëruar se Gashi, në ditët në vijim, do të marrë një përgjegjësi të rëndësishme institucionale, “në funksion të realizimit të objektivave tona qeverisëse”.

https://kallxo.com/labinot-tahiri-feston-shkarkimin-e-bejtush-gashit/

Ky është postimi i plotë i zëvendëskryeministrit Pacolli:

“Të dashur qytetarë të Republikës së Kosovës.

Në kuadër të riorganizimit të përgjegjësive institucionale, sot me propozimin tim si president i AKR-së, i kam adresuar Kryeministrit të Kosovës z .Ramush Haradinaj një kerkesë për të emëruar z.Fatmir Matoshi, Ministër të Mjedisit dhe Planifikimit Hapsinor dhe z. Ekrem Mustafa, Ministër të Punëve të Brendshme.

Dua të falendëroj për kontributin e tij të deritashëm z.Bejtush Gashi i cili në ditët në vijim do të marrë një përgjegjësi të rëndësishme institucionale, në funksion të realizimit të objektivave tona qeverisëse.”