REL
Një i vdekur dhe 18 të lënduar nga rrëshqitja e aeroplanit në pistë
01.9.2018 - 15:20
Një punonjës në aeroport ka vdekur dhe 18 udhëtarë janë lënduar pas rrëshqitjes së aeroplanit që po ateronte në Soçi të Rusisë.
Ministria e Transportit në Rusi tha më 1 shtator se aterimi në mot të keq ka bërë që aeroplani të rrëshqas nga pista para se të marrë flakë.
Punonjësi i aeroportit ndërroi jetë pas një sulmi në zemër gjatë ndihmës që kishte ofruar për t’i larguar 164 pasagjerë nga aeroplani , deklaruan autoritetet.
Aeroplani, Boeing 737, që operonte nga Utair, po shkonte për në Moskë.
Shkaktarët e rrëshqitjes nuk dihen ende.