Foto: Komuna e Gjakovës

Nis Ndërtimi i Katër Rrugëve në Gjakovë

Në Gjakovë ka nisur ndërtimi i katër rrugëve dhe parkut të qytetit.

Punimet kanë nisur në parkun e qytetit të Gjakovës, ndërsa ato, sipas një njoftimi komunal i ka inspektuar kryetari Ardian Gjini.

“Sot u japim fund dilemave që këtu do të ndërtohet. Në këtë vend ku investimet munguan, nga sot fillon një frymë e re. Ky park për nga rëndësia është i madh, por vlera monetare e tij është modeste tha Gjini.

Gjithashtu gjatë ditës së sotme kanë filluar punimet në Rrugën “Petro Nini Luarasi” vlera e së cilave kap shumën prej 85,000.00 euro.

Ky aks rrugor që lidhet me rrugën te ngrohtorja e re përfundon gjatë këtij viti.

Sipas komunikatës, gatë vitit vijues do të fillojnë edhe punimet në autostradën Gjakovë-Prizren. Kjo rrugë gjithashtu gjatë periudhës së punimeve në autostradë do të shërbejë edhe si rrugë transite.

Ka nisur edeh rregullimi i rrugëve në fshatrat Novosellë e Epërme dhe Doblibare, të cilat kapin vlerën totale 600.000 euro si tërësi.

Këto rrugë kanë gjatësi 5.5 kilometra.

Do NOT follow this link or you will be banned from the site!