Arkiv Ilustrim / Siguria në Punë - FOTO - Naim Krasniqi - Kallxo.com
Ndërtimi i banesave në Kosovë shtrenjtohet, faktor transporti
Çmimet e ndërtimit në Kosovë u shtrenjtuan për 2 për qind për muajt janar-mars. Shkaktar kryesor i kësaj rritje ishte transporti.
Indeksi i tërësishëm i Kostos të Ndërtimit në Kosovë (IKN) pati rënie për -0.3 përqind në tremujorin e parë të këtij viti në raport me tre muajt e fundit të vitit 2018-të.
Ndërsa krahasuar tre muajt janar-mars të 2019-ës në me periudhën e njëjtë të vitit të kaluar ky indeks pati një ngritje prej 2 për qind.
Çmimet e transportit dhe kostot tjera u shtrenjtuan në krahasim me materialet dhe energjinë që u lirua.
“Indeksi i tërësishëm i Kostos të Ndërtimit në Kosovë (IKN) pati rënie për ( -0.3 % ) në tremujorin e parë TM1 2019 krahasuar me TM4 2018. Rënie më të madhe kishin kategoria materialet ( -0.5 %) dhe energjia (-3.1%).Rënia u neutralizua kryesisht me rritjen e çmimeve sipas kategorive transportit (4.3%) dhe kostot e tjera (0.3%)”, thuhet në njoftimin ASK-së
Tutje thuhet se Indeksi i tërësishëm i Kostos të Ndërtimit në Kosovë (IKN) u ngrit për 2.0 përqind në tremujorin e parë të 2019-ës krahasuar me periudhën e njëjtë të vitit që shkoi.
Çmimet e transportit kontribuuan më shumë në këtë rritje.
“Ngritja e indeksit kryesisht u vërejt të kategoria transporti (19.2%), kostot e tjera (2.0 %), materialet (1.9%) dhe energjia (1.9%).”, bën të ditur ASK.
Këto të dhëna u bën të ditura nga “Indeksin e Kostos të Ndërtimit në Kosovë “ (IKN) ) për tremujorin e parë të vitit 2019” nga Agjencia e Statistikave të Kosovës (ASK).